काठमाडौं, 28 जनवरी 2022

नेपालमा कोरोनाविरुद्धको खोप अभियान शुरु भएको आज एक वर्ष पुगेको छ । मन्त्रालयका अनुसार हालसम्म १ करोड ६४ लाख ५८ हजार ४७५ जनाले कोरोनाविरुद्धको पहिलो मात्रा खोप लगाएका छन् भने १ करोड ३७ लाख ३४ हजार ३९० जनाले पूर्ण मात्रा खोप लगाएका छन् । दुई लाख ८२ हजार ७ सय २४ जनाले अतिरिक्त मात्रा खोप लगाइसकेका छन् । लक्षित जनसङ्ख्याको ८२ दशमलव ६ प्रतिशतले एक मात्रा र ६८ दशमलव ९ प्रतिशतले पूर्ण मात्रा खोप लगाएका छन् । खोप अभियान शुरु भएदेखि हालसम्म ३ करोड ४ लाख ७५ हजार ५८९ मात्रा खोप लगाइसकिएको स्वास्थ्य तथा जनसङ्ख्या मन्त्रालयले जनाएको छ । नेपालमा अहिले १२ वर्षदेखि माथिको उमेर समूहलाई कोरोनाविरुद्धको खोप लगाउने कार्य चलिरहेको छ ।