काठमाडौं, 23 अप्रैल 2022

अमेरिकी सांसदहरुद्वारा एमसीसी पास गरेकोमा नेपालको संसदप्रति आभार प्रकट गरेका छन्। नेपाल भ्रमणमा रहेको अमेरिकी संसद् सदस्यहरुको प्रतिनिधिमण्डल र नेपाली सांसदबीच दुईपक्षिय सम्बन्धको बिषयमा छलफल भएको छ । काठमाडौंको एक होटलमा शनिबार भएको छलफलका क्रममा अमेरिकी संसद् सदस्यहरुले नेपालमा समृद्धिको आधार गर्न सहयोग गर्ने प्रतिवद्धता जनाएका थिए । नेपालको जनजिविका र समावेशी बिकासमा पनि निरन्तर सहयोग गर्ने प्रतिवद्धता जनाएको नेपाल–अमेरीका संसदीय समूहका संयोजक डा मिनेन्द्र रिजालले जानकारी दिनुभयो । जलवायु परिवर्तनको जोखिमसंग जुध्न र त्यसको जोखिम कम गर्ने बिषयमा पनि छलफल भएको उहाले बताउनुभयो । त्यस्तै अमेरिकी सांसदहरूले संयुक्त राष्ट्र संघको शान्ति स्थापनार्थ कार्यमा नेपाली सेनाको भूमिकाको प्रसंसा गरेको थियो भने एमसीसीको प्रभावकारी कार्यान्वयनका बिषयमा पनि छलफल भएको रिजालले बताउनुभयो । आगामी सोमबार नेपाल र अमेरिकाबीच  कूटनीतिक सम्बन्ध स्थापना भएको 75 वर्ष पूरा हुन लागेको अवसरमा अमेरिकी प्रतिनिधिमण्डल नेपाल आएको हो ।