काठमाडौं, 25 अप्रैल 2022
नेकपा माओवादी केन्द्रले बिशेष परिस्थीतिमा बनेको गठबन्धन सफल हुदै गएको जनाएको छ । सोमबार पार्टी कार्यालय पेरिसडाँडामा पत्रकार सम्मेलन गर्दै माओवादी केन्द्रका प्रवक्ता कृष्णबहादुर महराले स्थानीय तहको निर्वाचनमा तालमेल गर्न गठबन्धन सफल भएको भन्दै कहि बिषयमा सहमति खोज्ने प्रयास जारी रहने बताउनुभयो । उहाले बैशाख २९ गतेसम्म मिल्ने ठाउँमा सहमतिको प्रयास जारी राख्ने उल्लेख गर्नुभयो । महराले बाहिर प्रचार गरिएजस्तो गठबन्धन टुट्ने अवस्था नरहेको समेत बताउनुभयो । उहाले स्थानीय तहका निर्वाचनका लागि अपिल जारी रहेको र माओवादीले स्थानीय तहबाट नै घोषणा पत्र निकाल्ने बताउनुभयो । त्यस्तै उहाले असन्तुष्ट पक्षसंग निरन्तर छलफल हुने जिकिर गर्नुभयो । उहाले भरतपुर , तुलसीपुर लगाएतका बिभिन्न स्थानमा गठबन्धनको उम्मेद्वारले उत्साहपूर्ण मनोनयन दर्ता गरेको दावी गर्नुभयो ।
