काठमाडौं, 23 सितंबर 2022
आपराधिक कार्यहरूलाई रोकथाम र नियन्त्रण गर्न प्रहरी कर्मचारीहरूलाई नियमित एवं विशिष्टिकृत तालिमहरू प्रदान गर्न आवश्यक रहेको गृहमन्त्री बालकृष्ण खाणगृहमन्त्री बालकृष्ण खाणले बताएका छन् । भारत सरकारको आर्थिक अनुदानमा काभ्रेपलाञ्चोक पनौतिस्थित राष्ट्रिय प्रहरी प्रशिक्षण प्रतिष्ठान परियोजना निर्माण कार्य शुरूवातको लागि शुक्रबार आयोजित भूमि पूजन समारोहलाई सम्बोधन गर्दै गृहमन्त्री खाणले उक्त कुरा बताए । समारोहमा गृहमन्त्री खाण तथा नेपालका लागि भारतीय राजदूत नवीन श्रीवास्तवले संयुक्त रूपमा राष्ट्रिय प्रहरी प्रशिक्षण प्रतिष्ठान परियोजना काभ्रेको भूमि पूजन गरेका थिए । नेपालका लागि भारतीय राजदूत नवीन श्रीवास्तवले भारत र नेपालबीच वर्षौँदेखि मित्रवत् सम्बन्ध रहेको बताउँदै भारतले नेपाल सरकारसँग मिलेर रेलको लिक बनाउने बताए । सुख्खा बन्दरगाह, अस्पताल, शैक्षिक संस्था निर्माणको काम पनि भइरहेको उनले जानकारी गराएका हुन ।
नेपाल प्रहरी प्रशिक्षण प्रतिष्ठानको पूर्वाधार निर्माणका साथै आगामी दिनमा तालिमका लागि भारतीय प्रहरी एकेडेमी र नेपाल प्रहरी एकेडेमीबीच थप सम्झौता हुनेमा आफू आशावादी रहेको उनले बताए ।
प्रहरी महानिरीक्षक धिरजप्रताप सिंहले नेपाल प्रहरी प्रशिक्षण प्रतिष्ठान निर्माणले गर्ने २५ वर्षदेखिको सपना साकार हुन लागेको बताए । परियोजनाको विस्तृत परियोजना रिपोर्ट अन्तिम चरणमा रहेको बताउँदै प्रतिष्ठान निर्माणको विषयमा आएका वातावरणीय समस्या समाधान उन्मुख रहेको बताए । भारतीय सरकारको अनुदान सहयोगमा निर्माण हुने प्रतिष्ठान निर्माणका लागि भारतका प्रधानमन्त्री नरेन्द्र मोदीको पहिलो नेपाल भ्रमणको क्रममा सन् २०१४ नोभेम्बर २५ मा प्रतिष्ठान निर्माणको सम्झौता भएको थियो ।
