8 अक्टूबर 2022

फुटबल खेलाडीमा केलियन एमबाप्पे सर्वाधिक आम्दानी खेलाडी बनेका छन् । फोब्र्सको पछिल्लो सुचीमा फुटबल खेलाडीमध्ये सबैभन्दा बढी आम्दानी गर्नेमा फ्रान्सेली तथा पेरिस सेन्ट जर्मेन(पिएसजी) का युवा फरवार्ड एमबाप्पे रहेका छन् । पछिल्लो नौँ वर्षसम्म यो सूचीमा लियोनल मेसी र क्रिस्टियानो रोनाल्डो रहने गरेका थिए। तर पहिलो पटक एमबाप्पेले दुई फुटबलरलाई पछि पारेका हुन्।

२३ वर्षे एमबाप्पेको आम्दानी १ सय २८ मिलियन अमेरिकी डलर रहेको छ। एमबाप्पेसँगै पिएसजीका अर्जेन्टिनी स्टार मेसीको आम्दानी वार्षीक १ सय २० मिलियन रहेको छ।

त्यस्तै, म्यानचेस्टर युनाइटेडका पोर्चुगिज फर्वाड रोनाल्डो १ सय मिलियन अमेरिकी डलर सहित तेस्रो स्थानमा रहँदा पिएसजीका ब्राजिलियन स्टार नेयमार र लिभरपुलका मोहम्मद सलाह शीर्ष ५ मा रहन सफल भए। नेयमारको आम्दानी ८७ मिलियन र सलाहको ५३ मिलियन रहेको छ।

रोनाल्डो र मेस्सीभन्दा अघि सन् २०१३ मा सर्वाधिक आम्दानी गर्ने फुटबल खेलाडीमा इग्ल्यान्ड फुटबल टोलीका पूर्व कप्तान डेभिड बेकह्याम रहेका थिए। एमबाप्पेले मेसी र नेमारलाई पछि पार्नुमा गत मेमा पिएसजीसँग आकर्षक तलबमा सम्झौता नविकरण गरेका थिए।

फोब्र्सका अनुसार सर्वाधिक आम्दानी गर्ने शीर्ष १० फुटबलर:

केलियन एमबाप्पे, पिएसजी र फ्रान्स:१ सय २८ मिलियनडलर
लियोनल मेस्सी, पिएसजी र अर्जेन्टिना: १ सय २० मिलियनडलर
क्रिस्टियानो रोनाल्डो, म्यानचेस्टर युनाइटेड र पोर्चुगल:१ सय मिलियन डलर
नेयमार, पिएसजीर ब्राजिल:८७ मिलियन डलर
मोहम्मद सलाह, लिभरपुल र इजिप्ट:५३ मिलियन डलर
अर्लिङ हालान्ड, म्यानचेस्टर सिटी र नर्वे:३९ मिलियन डलर
रोर्बेट लेवान्डोवस्की, बार्सिलोना र पोल्यान्ड:३५ मिलियन डलर
इडन हाजार्ड, रियल म्याड्रिड र बेल्जियम:३१ मिलियन डलर
आन्द्रे इनियस्टा, भिसेल कोबे र स्पेन:३० मिलियन
केभिन डि ब्रुएने, म्यानचेस्टर सिटी र बेल्जियम: २९ मिलियन