काठमाडौं, 4 मई 2023
नेपाली कांग्रेसका महामन्त्री गगन थापाले नक्कली भुटानी शरणार्थी बनाएर लैजाने ठगी प्रकरणको अनुसन्धाननमा गृह प्रशासनको प्रयास प्रशंसनीय भएको बताएका छन्। बिहीबार सामाजिक सञ्जालमार्फत महामन्त्री थापाले सो प्रकरणमा अझै गहिरो अनुसन्धान र संलग्न जोसुकै, जेसुकै ओहदा र शक्तिको भए पनि कारबाहीको दायरामा ल्याउन आग्रह गरेका छन् । यो प्रकरणमा बहालवाला सचिवदेखि पूर्व उपप्रधानमन्त्रीसम्म पक्राउ परेपछि गगनको यस्तो प्रतिक्रिया आएको हो। उनले यो ठगी प्रकरण घटना नभएर प्रवृत्तिको रुपमा देखा परेको बताए ।
‘नक्कली भुटानी शरणार्थी बनाएर लैजाने ठगी प्रकरणको अनुसन्धानका क्रममा ‘ठगी गिरोहको भीआईपी जालो’ उजागर हुँदै गएको छ । यो प्रकरणमा गृह प्रशासनको प्रयास प्रशंसनीय छ,’ उनले लेखेका छन्, ‘यो घटना होइन प्रवृत्ति हो ।अझै गहिरोसँग अनुसन्धान होस् ।कोही नछुटून् । संलग्न जोसुकै, जुनसुकै ओहदा र शक्तिको होस्, कानुन भन्दा माथि कोही हुँदैन ।’
