नयाँ दिल्ली, 21 डिसेम्बर 2020
नेपाल कम्युनिष्ट पार्टी नेकपाको भातृ संगठन अखिल भारत नेपाली एकता मञ्चले संसद विघठनको भर्त्सना गर्दै 2077 साल पुष 5 गतेलाई कम्युनिष्ट आन्दोलनको कालो दिनको रुपमा व्याख्या गरेको छ । प्रधानमन्त्री केपी शर्मा ओलीको सिफारिसमा राष्ट्रपतिबाट भएको संसद विगठन असंवैधानिक, अलोकतान्त्रीक, निरकुंश, सवेच्छाचारी कार्य भएको ठहर गरेको छ । सोमबार प्रेस विज्ञप्ति जारी गर्दै अखिल भारत नेपाली एकता मञ्चले पार्टीभित्रको विरोधका स्वरलाई सम्बोधन गर्नुको साँटो सिँगो देश, सर्वहारावर्ग र कम्युनिष्ट आन्दोलनलाई धक्का लाग्ने गरि चालिएको कदमको निन्दा गरेको छ । मञ्चले प्रधानमन्त्री र राष्ट्रपतिबाट संविधान विपरित काम भएको भन्दै अब स्वतन्त्र भनिएको न्यायपालिकाको काम हेर्न बाँकी रहेको भनेको छ । न्यायपालिकाबाट निर्णय खारेज होस भन्ने चाहना आम जनताको भएको मञ्चको भनाई छ । मञ्चले नेपाली कम्युनिष्ट आन्दोलनलाई समाजवादको बाटोमा अग्रसर गराउन केपी प्रवृत्तिको अन्त्य गर्दै सच्चा कम्युनिष्ट निर्माणमा एकताबद्ध भएर धैर्यतापूर्वक अगाडी बढ्न सम्पूर्णमा अपील गरेको छ ।
विज्ञप्ति
