जयपुर, 5 मार्च, विशाल थापा
उत्तर भारतका अधिकांश क्षेत्रमा बिहीवार दिउँसो परेको असिनापानीका कारण जनजीवन प्रभावित बन्यो । जयपुर र अलवर लगायत राजस्थानका अधिकांश भागमा असिनासहित भएको भीषण वर्षाका कारण जनजीवन प्रभावुत बन्नुका साथै किसानहरुलाई बालीनालीमा क्षति पुग्ने भय उत्पन्न भएको थियो। असिना-पानीका कारण दिउँसै अध्यारो हुनुका साथै सडकहरु सुनसान भएको जयपुरमा बस्ने प्रवासी नेपाली विशाल थापा र देविराम शर्माले नेशनल लाईव टेलिभिजनलाई बताउनु भयो । अचानक असिनाका ठूला-ठूला डल्ला परेपछि कामले निस्किएका मानिसहरु प्रभावित भएको उहाँले बताउनुभयो । असिनापानीका कारण श्रमिक वर्गहरु बढि प्रभावित भएको उनिहरुको भनाइ छ । त्यसैगरि आज उत्तर प्रदेशको लखनउ, झाँसी, आगरा, मेरठ, मिर्जापुर, ओराई, हामिरपुर लगातका क्षेत्रमा पनि असिना-पानी परेको छ । त्यसैगरि मथुरा र वृन्दावनमा पनि भीषण वर्षा भएको भनिएको छ ।
