दार्जीलिङ, 14 मार्च, कयेश अंसारी
कालिमपोङको मल्लीमा गोलीबारी गर्ने अभियुक्त कुनाल प्रधानले आज पुलिस थानामा आत्मसमर्पण गरेका छन । गोलीकाण्डका मुख्य अभियुक्त कालिमपोङ नगरपालिका वार्ड नम्बर 1 का पार्षद कुनाल प्रधानले शनिबार राती कालिमपोङ थानामा आत्मसमर्पण गरेका हुन ।
गत १० मार्च २०२० को दिन कालेबुङ जिल्ला अन्तर्गत मल्लीमा गोर्खा जनमुक्ति मोर्चा (विनय खेमा) पार्टी सदस्य तथा कालेबुङ नगरपालिका वार्ड नम्बर १ का वार्ड पार्षद कुनाल प्रधान र उनको समूहले चलाएको गोली लागेर पुरण मगर र पेम्बा तामाङ घाईते भएका छन । उनिहरुको उपचार चलिरहेको छ ।
घटनापछि मुख्य आरोपी कुनाल प्रधान फरार भएका थिए । स्थानियहरुले प्रधानको छवी आपराधिक भएको भन्दै उनलाई चाडोभन्दा चाडो पक्राउ गर्न माग गर्दै पुलिसलाई अल्टिमेटम पनि दिएका थिए ।
घटना भएको 4 दिनपछि अभियुक्त आफै आएर कालिमपोङ पुलिस थानामा आत्मसमर्पण गरेका हुन ।
