कालेबुङ, 20 जुन, शान्ति ठटाल

लद्दाखको गलवान घाटीमा चिनियाँ सेनासँगको झडपमा शहीद भएकाहरुप्रति कालेबुङ जिल्ला काङ्ग्रेस पार्टीले दीप प्रज्वलन गरेर श्रद्धाञ्जली अर्पण गरि दुई मिनटको मौनधारण गरेको छ । गलवान घाटीमा सेनाका कर्णल सहित २० जनाको मृत्युपछि देशभरि नै आक्रोश देखापरेको छ। देशभरि भारतीय सेनाको सम्मान र सो घटनामा देशका लागि प्राणको आहुति दिएका शहीदहरु प्रति श्रद्धाञ्जली अर्णण गरिदैँछ । यसै क्रममा कालेबुङ जिल्ला काङ्ग्रेस पार्टीले पनि एक कार्यक्रमको आयोजना गरि वीर शहीदहरु प्रति श्रद्धाञ्जली चढाएको हो । उक्त कार्यक्रमको अवसरमा जिल्ला काङ्ग्रेस अध्यक्ष दिलिप प्रधानले 1996 सालमा भारत चीनको सम्झौता अनुसार दुई देशको सेना सिमानामा हतियार नबोक्ने भनेर सम्झौता भएपनि चिनियाँ सेनाले भारतीय सेनालाई धोका दिएर आक्रमण गरेको आरोप लगाउनुभयो ।