नयाँ दिल्ली, 20 अप्रेल
कोरोना भाइरस कोभिड-19 को संक्रमण तीव्र गतिमा बढिरहेको छ। वैश्विक महामारीको रूप लिएको यस भाइरसबाट अहिलेसम्म 1 लाख 66 हजार 41 जनाले ज्यान गुमाइसकेका छन्। यस भाइरसबाट संक्रमित हुनेहरूको संख्या 24 लाख 23 हजार 498 पुगेको छ। 6 लाख 35 हजार 875 जना उपचारपछि ठिक भएर घर फर्किएका छन्। कोरोना भाइरसको कारण अमेरिकामा सबैभन्दा बढी 40 हजार 565 जनाको ज्यान गएको छ भने, संक्रमितको संख्या 7 लाख 64 हजार 265 पुगेको छ। अमेरिकापछि इटाली कोरोनाबाट सबैभन्दा बढी प्रभावित बनेको छ। त्यहाँ 23 हजार 660 जनाको ज्यान गएको छ भने, 1 लाख 78 हजार 972 जनामा संक्रमणको पुष्टि भएको छ। त्यसैगरी स्पेनमा अहिलेसम्म 20 हजार 852 जनाले ज्यान गुमाएका छन्, भने त्यहाँ संक्रमितहरूको संख्या 2 लाख 210 पुगेको छ।
कोरोनाको उद्गम बिन्दु देश चीनमा संक्रमितहरूको संख्या 82 हजार 747 पुगेको छ भने, 4 हजार 632 जनाले ज्यान गुमाएका छन्। चीनमा अहिलेसम्म 77 हजार 84 जना उपचारपछि सन्चो भएर घर फर्किएका छन् भने, 1 हजार 31 जनाको उपचार चलिरहेको छ।
भारतमा पनि कोरोना भाइरसको प्रकोप दिनप्रति दिन बढिरहेको छ। भारतमा अहिलेसम्म 17 हजार 615 जनामा कोरोना भाइरसको संक्रमण पुष्टि भएको छ। त्यसैगरी ज्यान गुमाउनेको संख्या बढेर 559 पुगेको छ। भने, 2 हजार 854 जना उपचारपछि सञ्चो भएर घर फर्किएका छन्।
नेपालमा कोरोना भाइरसबाट संक्रमित हुनेहरूको संख्या बढेर 31 पुगेको छ। नेपालमा 4 जना उपचारपछि पूर्ण रूपमा स्वस्थ्य भएर घर फर्किएका छन् भने, बाँकी 27 जनाको विभिन्न अपस्पतालहरूमा उपचार भइरहेको छ। ती सबैको अवस्था सामान्य रहेको स्वास्थ्य तथा जनसंख्या मन्त्रालयले जनाएको छ।
