कैलाली, 17 मई 2020/ हिम शाह
कोरोना भाइरस संक्रमणको आशंकामा कैलालीका 4 जनालाई सेती प्रादेशिक अस्पतालमा भर्ना गरिएको छ। कैलालीको कैलारी गाउँपालिका 1 हसुलियाकी 27 वर्षीया महिला, धनगढी उप–महानगरपालिका वडा नम्बर 5 का 30 वर्षीय पुरुष, उनकी 29 वर्षीया श्रीमती र धनगढी उपमहानगरपालिका 13 का 30 वर्षीय पुरुषलाई आइसोलेसनमा भर्ना गरिएको अस्पतालका सूचना अधिकारी दिलिप श्रेष्ठले जानकारी दिनुभयो।
श्रेष्ठका अनुसार उनिहरुको कोरोना परीक्षणका लागि थ्रोट स्वाबको नमूना संकलन गरिएको छ। आइसोलेसनमा भर्ना भएका मध्ये हसुलियाकी 27 वर्षीया महिलामा ज्वरो तथा श्वास-प्रश्वासमा समस्या देखिएको छ। ती महिलाका भाई 2 महिनाअघि देहरादुनबाट आएको बुझिएको छ। धनगढीका 30 वर्षीय पुरुष डेढ महिना अघि मलेसियाबाट आएका थिए। ती पुरुषमा डाईरिया र उनकी श्रीमतीमा घाँटी तथा छाती दुख्ने समस्या देखिएपछि आफै अस्पताल पुगेको सूचना अधिकारी श्रेष्ठले बताउनुभयो।
यस्तै गेटाका 30 वर्षीय पुरुषमा ज्वरो देखिएपछि आइसोलेसनमा राखिएको हो।
