नयाँ दिल्ली, 1 अगस्त 2020
भारतीय सेनामा गोर्खा सेनाको भर्नालाई लिएर नेपालमा बहस चलेको भन्दै कतै नेपालीहरुलाई नपठाउने भने भारतीय सेनाको शक्तिशाली अंग हटने हो कि भन्ने चिन्ता देखिएको छ । भारतीय सञ्चार माध्यम न्यूज -18 ले छापेको समाचारमा केही समय अगाडी नेपालका परराष्ट्रमन्त्री प्रदीप कुमार ज्ञवालीले सन 1947 मा भएको सम्झौताका कयौं प्रावधानहरु शंकास्पद भएकाले भारतीय सेनामा गोर्खा सैनिकहरुको भर्नाको समीक्षा हुने बयान दिएको भन्दै चिन्ता प्रकट गरिएको छ । समाचारमा भनिएको छ, उसो त नेपालमा पहिले देखिनै भारतीय सेनामा गोर्खाहरुको भर्नालाई लिएर बहस हुँदै आएको छ यदी नेपालले यसमा रोक लगाउने प्रयास गरेभने सेनाको मजबूत अंग जान सक्नेछ ।
भारत र चीनबीच तनावका क्रममा भारतले सीमामा गोर्खा सैनिकहरुलाई सीमामा परिचालन गर्न सक्ने र यसो गर्दा नेपाल र चीनबिचको सम्बन्धमा असर पर्ने डर नेपाललाई रहेको अनुमान गरिएको छ ।
समाचारमा अगाडी भनिएको छ, भारतीय सेनामा गोर्खा रेजिमेन्ट आफ्नो अदम्य साहस र हार नमान्ने रेजिमेन्टका रुपमा परिचित छ । उसलाई कयौं युद्धमा बहादुरीका लागि परमवीर चक्रदेखि महावीर चक्रसम्म पाइएको छ । हिन्दुस्तान टाइम्सको रिपोर्ट अनुसार अहिले समग्र गोर्खा रेजिमेन्टमा लगभग 30 हजार नेपाली सैनिक छन । त्यसमा 120 अधिकारी तहका छन । यसबाहेक देहरादून, दार्जिलिङ र धर्मशालाका भारतीय गोर्खा सैनिक पनि छन । सेनासँग कूल 6 गोरखा रेजिमेन्ट छ । त्यस बाहेक स्वतन्त्रापछि भारतमानै सेवा दिन स्वीकार गरेको गोर्खा राइफल्स पनि छ । अहिले नेपालमा पनि भारतीय सेनाका 79 हजार गोर्खा पेन्सनधारी रहेका छन ।
