नयाँ दिल्ली, 21 अक्टोबर
नेपालीहरुको महान चाड बडा दशैं नजिकिँदै गर्दा भारतमा रहेका नेपालीहरु घर फिर्ता हुने क्रम बढ्दै छ । यद्धपी कोरोना महामारीका कारण ठूलो संख्यामा नेपालीहरु पहिलेदेखिनै नेपालमा रहेकाले पोहोरको तुलनामा निकै कम संख्यामा नेपालीहरु घर फिर्ता भइरहेका छन । नेपालमा कोरोना महामारीको बढ्दो अवस्थाका कारण सीमामा थप कडाइ गरिएपनि भारतका विभिन्न स्थानबाट दैनिक
रुपमा नेपालीहरु घर फर्किरहेका छन । जिल्ला प्रशासन कार्यालय कञ्चनपुरले आज दिएको जानकारीका अनुसार आज कञ्चनपुर गड्डाचौकी नाकाबाट 53 महिला, 204 पुरुष र 33 बालबालिकासहित 290 जना नेपाल फिर्ता भएका छन भने गौरीफण्टा नाकाबाट 106 महिला, 403 पुरुष र 73 बालबालिका गरि 582 जना नेपाल फर्किएका छन । नेपाल फर्किनेको तुलनामा भारत जाने नेपालीको संख्यामा कमी आएको छ । आज गड्डाचौकी नाका भएर भारत जानेहरुमा 15 महिला, 52 पुरुष र 3 जना बालबालिका गरि 70 जना रहेका छन । भने गौरीफण्टा नाका भएर 19 महिला, 61 पुरुष र 14 बालबालिका गरि ९४ जना भारततर्फ गएका छन । यस्तै अन्य नाकाहरुमा पनि भारततर्फ जाने नेपालीहरुको तुलनामा नेपाल फर्किनेको संख्या धेरै रहेको छ ।
