नयाँ दिल्ली, 18 डिसेम्बर 2020
दिल्लीदेखि नेपाल जाने क्रममा एक नेपाली बेपत्ता भएका छन । गत 10 डिसेम्बरका दिन दिल्लीबाट नेपालका लागि भन्दै सुभाकर नाम गरेका नेपाली बसद्वारा सुनौली हिडे पनि अहिलेसम्म घर नपुगेको पारिवारिक स्रोतले जनाएको छ । 57 वर्षका सुभाकर फरिदाबादको बल्लभगढमा सरकारी नौकरी गर्दै आएका थिए । फरिदाबादमा बिजुली विभागमा काम गर्ने गरेका सुभाकर 2 महिनापछि रिटायरमेन्ट हुन लागेका थिए । सुभाकर पर्वत जिल्ला बिहादी गाँउ पालिका वार्ड नम्बर-5 उरामपोखरा (डुडा) का स्थायी बासिन्दा हुन । सुभाकर यात्राकै क्रममा एक्कासी सम्पर्कविहीन भएपछि पुरै परिवार चिन्तित भएको छ । सुभाकर रोडवेजको बसमा सवार भइ सुनौली गइरहेका थिए । उनि घर नपुगेपछि उनको खोजीमा उनकी श्रीमतिसहित परिवार दिल्ली आएको छ । परिवारले हिजो उनि सवार भएको बसका चालकहरुलाई समेत भेट गरेको छ । बसका चालकका अनुसार बस 12 घण्टा ढिलो गरि सुनौली पुगेको थाहा भएपनि हराएका सुभाकरका बारेमा धेरै थाहा हुन सकेको छैन । यदी तपाईहरुले तस्वीरमा देखिएका सुभाकरलाई कतै देख्नु भएको छ भने मोबाईल नम्बर 95-54-78-75-59 वा 95-99-75-47-31 मा जानकारी दिन आग्रह गर्दछौं । स्मरण रहोस गोरो रंग र 5 फिट उचाँइ भएका सुभाकरले यात्राका दौरान कालो पैन्ट र कालो ज्याकेट लगाएका थिए।
