दिल्ली, 26 जनवरी 2021
भारतमा गणतन्त्र दिवस परेडका क्रममा मंगलवार राजधानी दिल्लीका विभिन्न स्थानमा किसान प्रदर्शनकारी र पुलिसबिच झड़प भएको छ । प्रदर्शनका क्रममा ट्र्याक्टर पल्टिँदा ट्र्याक्टर चालक प्रदर्शनकारीको मृत्यु छ । कयौं स्थनमा भएका प्रदर्शनमा कयौं प्रदर्शनकारी, पुलिस र मिडीयाकर्मी पनि घाइते भएका छन ।
प्रदर्शनकारीहरु ठूलो संख्यामा ट्र्याक्टरका साथमा लाल किलाभित्र पसेर आफ्नो पहेलो रंगको झण्डा फहराएका थिए । त्यसैगरि दिल्लीको आईटीओमा पनि प्रदर्शनकारी किसानहरुले ट्र्याक्टरले पुलिस बैरिकेड तोडेका थिए । उनिहरुलाई रोक्न पुलिसले किसानहरुमाथि लाठीचार्ज गरेको थियो । पुलिसले प्रदर्शनकारीहरुलाई तितर-बितर गर्नका लागि अश्रु ग्यास पनि प्रहार गरेको थियो । भीडलाई नियन्त्रण गर्ने क्रममा केही पुलिसकर्मी घाइते समेत भएका छन । प्रदर्शनकारीहरुले पुलिसकर्मीमाथि ट्र्याक्टर चढ़ाउने प्रयास पनि गरेका थिए ।
झडपका क्रममा मीडियाकर्मीसहित कयौं प्रदर्शनकारीहरु पनि घाइते भएका छन । यद्धपी लामो समयदेखि किसान कानून फिर्ता गर्न माग गर्दै आन्दोतलमा रहेका किसानहरु दिल्लीका विभिन्न सीमामा रहेर आन्दोलन गरिरहेको भएपनि गणतन्त्र दिवसका दिन उनिहरु दिल्लीभित्र पसेर हिंसक प्रदर्शन गरेका हुन । प्रदर्शनकारीहरु एनएच-24 बाट ब्यारीकेड तोड्दै अक्षरधाम मन्दिर हुँदै दिल्ली पसेका थिए । त्यसैगरि करनाल बाईपासमा प्रदर्शनकारी किसानसँगै घोडसवार निहंगहरुले पुलिस बैरिकेड तोडेका थिए । नाङ्गलोईमा किसानहरुले उग्र प्रदर्शन गरेका छन ।
दिल्ली-मेरठ एक्सप्रेसवेमा पाण्डव नगरनजिक पनि प्रदर्शनकारी र पुलिसबीच झडप भएको छ । नोएडाको चिल्ला बोर्डरमा स्टंट गर्दा ट्र्याक्टर पल्टिएपछि 2 जना घाईते भएका छन । किसानहरुको ट्र्याक्टर ऱ्यालीमा हिंसा भएपछि दिल्लीका कयौं स्थानको इन्टरनेट सेवा बन्द गरिएको छ । आन्दोलन भइरहेका सम्पूर्ण सीमा क्षेत्रहरुमा राति 12 बजेसम्म इन्टरनेट सेवा बन्द गरिएको छ । दिल्ली मेट्रोले पनि किसानहरुको ट्र्याक्टर परेड अनि पुलिस र प्रदर्शनकारीहरुको झडपलाई मध्यनजर गर्दै कयौं स्टेशनहरुलाई बन्द गरिदिएको थियो ।
