काठमाण्डौ, 20 अगस्त 2021
नेपालमा थप ३,०४२ जनामा कोभिड-१९ को संक्रमण पुष्टि भएको छ। पछिल्लो २४ घण्टामा भएको कुल परीक्षणको १७.२३ प्रतिशतमा संक्रमण पुष्टि भएको मन्त्रालयले पुष्टि गरेको छ। पछिल्लो २४ घण्टामा १० हजार ५३० आरटी-पीसीआर परीक्षण र सात हजार १२४ एन्टिजेन परीक्षण भएको छ। जसमध्ये आरटी-पीसीआर परीक्षणका क्रममा दुई हजार ७९ जना र एन्टिजेन परीक्षणका क्रममा ९६३ जना कोभिड-१९ संक्रमित पहिचान भएका हुन्। यससँगै नेपालमा संक्रमण पुष्टि हुनेको संख्या ८ लाख २३ हजार ६४७ जनामा संक्रमण पुष्टि भएको छ। त्यस्तै पछिल्लो २४ घण्टामा दुई हजार २४४ जना संक्रमित संक्रमण मुक्त भएका छन्। यससँगै हालसम्म नेपालमा संक्रमण मुक्त हुनेको संख्या ९३.१८ प्रतिशत रहेको मन्त्रालयको तथ्यांकमा उल्लेख छ। त्यस्तै पछिल्लो २४ घण्टामा २६ जना कोभिड-१९ संक्रमितको मृत्यु भएको स्वास्थ्य तथा जनसंख्या मन्त्रालयले पुष्टि गरेको छ। यससँगै नेपालमा मृत्यु हुनेको संख्या १० हजार ४५५ पुगेको छ। यो कुल संक्रमितको १.५ प्रतिशत हो। नेपालमा हाल कुल संक्रमितको ५.४२ प्रतिशत सक्रिय संक्रमित रहेको मन्त्रालयले जनाएको छ। हाल नेपालमा ३६ हजार ९२२ संक्रमित होम आइसोलेसनमा र तीन हजार २८७ जना संस्थागत आइसोलेसनमा रहेका छन्। सक्रिय संक्रमित मध्ये ७१४ जनाको सघन उपचार कक्षमा राखेर उपचार भइरहेको मन्त्रालयले जनाएको छ। जसमध्ये १७१ जनाको भेन्टिलेटरको सहायतामा उपचार भइरहेको छ।
