मुम्बई, 6 अप्रेल
विश्वव्यापी रूपमा फैलिएको कोरोना भाइरसको कारण अहिले नेपाल र भारत पूर्ण रूपमा ठप्प छ। दैनिक ज्यालादारीमा काम गर्ने र होटल व्यवसायमा मजदुरी गर्नेहरू अहिले सबैभन्दा समस्यामा छन्। उनिहरूलाई खाना र बस्नको पनि समस्या भएको छ। नेपाली जनसम्पर्क समिति पश्चिम भारतले विश्वव्यापी महामारीको चपेटमा परेका नेपाली र भारतीय नागरिकहरूलाई आज मुम्बईको मिराभाईन्दर विभिन्न स्थानहरूमा राहत सामग्रीसहित खाद्यान्न वितरण गरेको छ।
नेपाली जनसम्पर्क समिति पश्चिम भारतका क्षेत्रीय अध्यक्ष एम. बी. बोहरा, देबी सिँह, खडका, चेतमान बोगटी, तगत कुँवर, जनक ढकाल, दिपक रिजाल, राजकुमार श्रेष्ट, पत्रकार दिल मणी पान्डेलगायत तरुण दलको टोलीले मुम्बईको मिराभाईन्दरका विभिन्न स्थानमा लगभग 160 जनालाई खाद्यान्न वितरण गरेको हो। साथै नेपाली जनसम्पर्क समितिले लकडाउनका कारण अलपत्रमा परेका र खानापिना तथा बस्ने समस्यामा परेकाहरूलाई हरसम्भव सहयोग गर्ने प्रतिवद्धता जनाएको छ।
