नयाँ दिल्ली, 4 मार्च
लकडाउनका कारण उत्तर प्रदेशको नोएडामा अलपत्र परेका 8 जना नेपालीहरूलाई एक साता पुग्ने खाद्यान्न उपलब्ध गराईएको छ । अखिल भारत नेपाली एकता मंचका केन्द्रिय सचिवालय सदस्य किशन बोहरा, मेची-महाकाली जागरण अभियानका महासचिव सुरेन्द्र बोहरा र परशुराम नगरपालीका चर्चित युवा नेता मदन सिंह धामीको पहलमा अखील भारत नेपाली एकता मंचका सचिव आरबी खडका र हाम्रो स्वाभीमान ट्रस्टका महामन्त्री तथा अधिवक्ता प्रेम क्षेत्रीले 8 जना नेपालीहरूलाई एक साता पुग्ने खाद्यान्न उपलब्ध गराउनु भएको हो।
रोजगारको सीलसीलामा दुई महिना पहिला मात्र भारतको बैङ्गलौर पुगेका र नौकरी खोज्दा-खोज्दै लकडाउन र कोरोना माहामारीको भुमरीमा फस्न पुगेका डडेल्धुरा जिल्ला परशुराम नगरपालिका परीगाँउका 6 जना युवा र नवदुर्गा गाउपालीकाका 2 जना युवा गरि जम्मा 8 जना युवाहरू जसोतसो दिल्लीनजिक उत्तर प्रदेशको नोएडामा पुगेका थिए। उनिहरूलाई बैतडी घर भएका खेमराज रोस्याराले खाना र बस्ने बासको व्यवस्था गर्नुभएको थियो। ती 8 जना नेपालीहरूलाई एक साता पुग्ने खाद्यान्न उपलब्ध गराईएको हो। लकडाउन एक महिना लम्बिएपनि उनिहरूलाई खान बस्नको व्यवस्था गर्ने युवा नेता आरबी खड्काले वचन दिनुभएको छ।
