सिक्किम, १६ सेप्टेम्बर (केएन शर्मा )
पश्चिम सिक्किमको हि- गाउँ कलुक सडक बिच पेचरेक १७ माइलमा मंगलबार बेलुका लगभग ८ बजे वाहन दुर्घटना हुँदा तोपजाङ भोटियाको मृत्यु भएको छ। मूलरूपले हि-गाउँ निवासी स्व.भोटिया सत्तारूढ सिक्किम क्रान्तिकारी मोर्चा पार्टीका केन्द्रिय समितिका सदस्य तथा युवा प्रकोष्टका उपाध्यक्ष हुन । एसके-०६-पी ०५९९ नम्बरको आफ्नो निजी वाहनमा दुर्घटना हुँदा उनको मृत्यु भएको हो। केही काम विशेषले भोटिया रिन्चेबुङ तर्फ गएका थिए भने बेलुकाका समय घर फर्कदा घटना भएको अनुमान लगाइएको छ।
वाहन सडकदेखि केही तल अलैंची बारीमा पुगेको छ , दर्के झरी र कुइरो लागेको समय भएकाले सडकबाट बेलुका देख्न नसकेको हुँदा आज बिहानमात्रै थाहा पाएर हिगाउँ पुलिस साथै स्थानीयको सहयोगमा शवको उद्वार गरि गेजिङ जिल्ला अस्पतालमा पोस्टमार्टमका लागि लगियो भने पोस्टमार्टमपछि शव परिवारलाई सुम्पेको छ । थाहा लागे अनुसार मृतक भोटीया वर्तमान सिक्किम क्रान्तिकारी मोर्चा पार्टीका एक सकृय युवा हुन । सरकार गठन गराउनमा उनको ठुलो योगदान छ। उनको असामायिक निधनले पश्चिम जिल्लाको मानेबुङ – देन्ताम क्षेत्र प्रभारी पुर्ण हाङ सुब्बा साथै पश्चिम जिल्लाका पार्टीका युवाहरूले पनि दुःख ब्यक्त गर्दै हार्दिक संवेदना चढाएका छन् ।
