नयाँ दिल्ली, 3 अप्रेल 2020
भारतका प्रधानमन्त्री नरेन्द्र मोदीले 5 अप्रेलको राति 9 बजेको समयमा 9 मिनेटसम्म घरमै बसेर दियो जलाउन आह्वान गर्नु भएको छ ।
शुक्रबार विहान देशवासीका नाममा सम्बोधन गर्दै मोदीले कोरोना भाइरसको अन्धकारलाई चुनौती दिन 130 करोड भारतीयलाई दियो, मोमबत्ति, टर्च र मोबाइलको फ्ल्यास लाईट जलाउन आह्वान गर्नुभएको हो ।
उहाँले सबै लाइट बन्द गरेर चारैतिर सबै व्यक्तिले दियो बाल्दा कोरोनाको अन्धकारलाई हामी कोरोनासँग एकसाथ लडिरहेका छौं भन्ने महसुस हुने र हामी एक्लै छैनौं भन्ने सन्देश जाने बताउनुभयो ।
सम्बोधनका क्रममा मोदीले दियो बाल्दा घरमै बस्न र सामाजिक दुरीको लक्ष्मण रेखा ननाघ्न अनुरोध गर्नुभएको छ । मोदीले 130 करोड भारतीयको महासंकल्पलाई यसले नयाँ उचाईंमा लैजाने भन्दै लकडाउनमा मानिसहरु घरमा एक्लै भए पनि 130 करोड भारतीयको महाशक्ति हरेकको साथमा रहेको बताउनुभयो ।
प्रधानमन्त्री मोदीले लकडाउन भएको अहिले 9 दिन भएपनि यस दौरान सबैले अनुशासनको अभूतपूर्व परिचय दिएको बताउनुभयो । यद्धपी उहाँले लकडाउन बढ्ने/ नबढ्ने बारे भने केही बोल्नु भएन ।
