नयाँ दिल्ली, 3 अप्रेल, सुभाष बस्नेत
भारतमा कोरोना भाइरस महामारीको रोकथामका लागि गरिएको लकडाउनका कारण नेपालीहरुको समस्या जटील बन्दै गएपछि अब विभिन्न प्रवासी संगठनहरुले भारतमा रहेको नेपाली दूतावासको भूमिकाप्रति प्रश्न गर्न थालेका छन । भारतभरि नेपालीहरुको दयनीय अवस्थालाई मध्यनजर गर्दै अहिले प्रवासी नेपाली संघ भारत, तमीलनाडु पुदुच्चेरी संयुक्त राज्य समितिले नेपाली दूतावासलाई लेखेको ध्यानाकर्षण पत्रमा भारतमा नेपालाहरुको अवस्था र समस्याप्रति दूतावास गैर-जिम्मेवार बनेको भनिएको छ ।
विज्ञप्तिमा भनिएको छ, “कोरोना महामारीको रोकथामका लागि नेपाल र भारत सरकारले गरेको लकडाउनको स्वागत गर्दछौं तर वर्तमान परिस्थितिमा दूवावास औपचारिकता पुरा गरि पञ्छिन मिल्दैन । ” प्रवासी नेपालीहरुको समस्यामा पहिलेबाटै भूमिकाविहीन बन्दै आइरहेको भारतमा रहेको नेपाली राजदूतावासले थप सक्रियता देखाउन र जिम्मेवारी बहन गर्न आवश्यक देखिएको विज्ञप्तिमा भनिएको छ ।
हेर्नुहोस यस्तो रहेको छ ध्यानाकर्षण पत्र,
राजदूतलाई लेखिएको ध्यानाकर्षण पत्रमा, नेपालीहरुको समस्या समाधानका लागि नेपाली राजदूवासको नेतृत्वमा प्रवासी नेपाली जनसंगठनका नेतृत्वलाई समावेश गरि “पीडित प्रवासी नेपाली पहिचान र सहयोग समिति भारत” नामक एउटा संयन्त्र बनाउन अनुरोध गरिएको छ ।
