काठमाण्डौँ, 11 फरवरी 2020
प्रमुख प्रतिपक्षी दल नेपाली कांगेसले मंगलबारको संसद बैठक अवरुद्ध नगर्ने भएको छ। सिंहदरबारमा बिहान बसेको पार्टीको संसदीय दलको बैठकले संसद अवरुद्ध नगर्ने निर्णय गरेको हो। यसअघि ललिता निवास प्रकरणमा अख्तियार दुरुपयोग अनुसन्धान आयोगले भेदभावपूर्ण निर्णय गरेको भन्दै कांग्रेसले लगातार तीन पटक संसद बैठक अवरुद्ध गरेको थियो।
सोमबार बसेको पार्टीको केन्द्रीय कार्यसमिति बैठकले अख्तियारको निर्णयको राजनीतिक र कानूनी रुपमा सामना गर्ने निर्णय गरेको र संसदीय दलको बैठकले संसद चल्न दिने निर्णय भएको नेपाली कांग्रेसका मुख्य सचेतक बालकृष्ण खाँडले बताउनुभयो ।
यसअघि सबैको ध्यानआकर्षण गर्न तीन पटक आफ्नो कुरा राखेको उल्लेख गर्दै खाँडले आजको बैठकमा ललिता निवास जग्गा प्रकरणमा अख्तियारको निर्णयसँगै अन्य विषयवस्तुहरुमा पनि पार्टीका नेताहरुले धारणा राख्ने उहाँले बताउनुभयो ।
