बेङ्गलोर, 16 अप्रेल
नेपाली जनसम्पर्क समिति दक्षिण भारत क्षेत्रका विभिन्न समितिहरुले लकडाउनले अलपत्रमा परेका नेपालीहरुलाई खाद्यान्न र मास्क लगायतका सामग्री वितरण गरेका छन । नेपाली जनसम्पर्क समिति दक्षिण क्षेत्र भारत बेलेन्धुर शाखा अध्यक्ष दिवश शाहीको विशेष पहलमा कर्नाटक राज्यको राजधानी बेङ्गलोरस्थित बीके मेन्सन अपार्टमेण्टमा र डिल्लिराज सापकोटाको सहयोगमा कारवसनलीस्थित नेपाली बस्तीमा 25 घरका 65 जनालाई 15 दिनसम्म पुग्नेगरि 4 क्वीण्टल चामल, तेल, आलु, प्याज लगायत खाद्यान्न वितरण गरिएको छ ।
त्यसैगरि नेपाली जनसम्पर्क समिति दक्षिण भारत क्षेत्रका माहासचिवको पहलमा बेङ्गलोरको वानस वाडी शाखाले विजय बिष्टको नेतृत्वमा समस्यामा परेका नेपालीहरुलाई खाद्यान्न र मास्क वितरण गरिएको हो ।
