नयाँ दिल्ली, 2 अगस्त 2020
भारतका गृहमन्त्री अमित शाह कोरोना संक्रमित हुनु भएको छ । गृहमन्त्री शाहले आफुलाई शुरुवाती लक्षणपछि कोरोना परीक्षण गराउँदा कोरोना पोजेटिभ पाईएको बताउनु भएको छ । आइतबार दिउँसो उहाँले आफ्नो ट्वीटर अकाउन्टमा आफुलाई कोरोना संक्रमण भएको जानकारी दिनुभएको थियो ।
‘कोरोनाका शुरूवाती लक्षण देखिएपछि मैले परीक्षण गराएको थिएँ र रिपोर्ट पोजेटिभ आएको छ । मेरो स्वास्थ्य अवस्था ठिक छ तर डाक्टरहरूको सल्लाहमा अस्पताल भर्ना भएको छु’ उहाँले ट्वीटरमा लेख्नुभएको छ ।
शाहले आफ्नो सम्पर्कमा आएकालाई आइसोलेसनमा बसेर स्वास्थ्य परिक्षण गराउन पनि आग्रह गर्नुभएको छ ।
कोरोना संक्रमित भएपछि गृहमन्त्री अमित शाहलाई गुरुग्रामको मेदान्त अस्पतालमा भर्ना गरिएको छ ।
