नयाँ दिल्ली, 11 अगस्त 2020
भारतको राजधानी दिल्ली नजिक गुरुग्राममा एक नेपाली युवकले पासो लगाएर आत्महत्या गरेका छन । अर्घाखाँचीको मालारानी खनदह गाँउपालिका वडा नम्बर 2 स्थायी घर भइ गुरुग्रामको पालम विहार सेक्टर 22, महादेव पीजीमा रहीरहेका 18 वर्षीय विमल विश्वकर्माले सोमबार राति आत्महत्या गरेको गुरुग्राममा बस्ने ललित जीसीले जानकारी दिनुभएको छ । आज विहान उनको शव उनि काम गर्ने पीजीमा झुण्डिएको अवस्थामा भेटिएको हो । प्रारम्भिक अनुसन्धानमा उनले प्रेम प्रसङ्गका कारण आत्महत्या गरेको खुल्न आएको छ । घटनाको जानकारीपछि आज घटनास्थल पुग्नु भएका नेपाली देशभक्त आवाजका बाबु रोका मगरले पुलिसलाई उदृत गर्दै घटनाको प्रकृति हेर्दा युवकले आत्महत्यानै गरेका हुन । नेपालमै रहेकी युवतिसँग प्रेम सम्बन्धमा रहेको र उनले युवतिसँग लाईभ कुरा गर्दै आत्महत्या गरेको हुन सक्ने पुलिसले आंशका गरेको छ । पुलिसले उनको शवलाई आज गुरुग्रामकै शवगृहमा राखेको छ भने भोली उनको पोस्टमार्टम गर्ने जनाएको छ ।
