नयाँ दिल्ली, 17 जनवरी
भारतीय अन्तरिक्ष अनुसन्धान संगठन (इसरो) को संचार उपग्रह जीसैट-30 लाई शुक्रवार विहान यूरोपेली अन्तरिक्ष एजेन्सीबाट सफलतापूर्वक प्रक्षेपण गरिएको छ । जीसैट-30 लाई भारतीय समयानुसार 2 बजेर 35 मिनटमा एरियन-5 रकेटको माध्यमले प्रक्षेपण गरिएको हो । जीसैट-30 ले 2005 मा प्रक्षेपण गरिएको संचार उपग्रह इनसैट (4A) को स्थान लिनेछ । आज प्रक्षेपण गरिएको उपग्रहले टेलिकम्युनिकेशन सेवाहरुलाई थप सुदृढ बनाउनेछ । जीसैट-30 उपग्रहलाई दक्षिण अमेरिकाको उत्तर-पूर्वी तटमा कौरोको एरियन प्रक्षेपण परिसरबाट प्रक्षेपण गरिएको हो । (ईएसए) को वाणिज्यिक शाखा एरियन स्पेस यूरोपियन स्पेस एजेन्सी भारतको पुरानो साझेदार हो । उसको सहयोगले कयौं भारतीय उपग्रहहरुलाई अन्तरिक्षमा पठाइएको छ । जीसैट सीरीजको निकै शक्तिशाली उपग्रह जीसैट-30 को मदतले देशमा संचार प्रणालीलाई झनै राम्रो बनाउन सकिनेछ । जीसैट-30 को कवरेज क्षमता पनि धेरै हुनेछ । यस दूरसंचार उपग्रहले राज्य संचालित र निजी सर्विस प्रोवाइडर कम्पनीहरुको लिंक प्रदान गर्ने क्षमतामा बढ्नेछ ।
स्पेस एजेन्सीका अनुसार उपग्रहको उपयोग व्यापक रूपले वीसैट नेटवर्क, टेलीविजन अपलिङ्किङ, टेलीपोर्ट सेवाहरु, डिजिटल सैटलाइट खबर संग्रहण (डीएसएनजी) , डीटीएच टेलीविजन सेवाहरु आदिका लागि गर्न सकिनेछ ।