मणिपुर, 10 जुन 2020, राहुल बोगी राई
भारतीय गोर्खा परिसंघ मणिपुर राज्य शाखाले शहिद सुवेदार निरञ्जन सिंह छेत्रीको १२९ औं शहीद दिवस पालन साधारण तरीकाले पालन गरेको छ । दार्जीलिङका लोकसभा सांसद राजु बिष्टको मणिपुर चारहजारे स्थित निवास मा ऐतिहासिक रुपमा छेत्रीको१२९औं शहीद दिवस पालन गरेकोछ । भागोप मणिपुर राज्य शाखाका अध्यक्ष लक्षमण बिष्टको अधक्षतामा आयोजित कार्य क्रममा आरएसएसका संघ प्रचारक डा केदार कुलकर्णी, कल्याणआश्रम, मणिपुरका मन्त्री साथै श्रीमान अजित दास (प्रभूजी) मणिपुर प्रान्तका संघ कार्यकर्ता, गुरुजी श्रीमान भवानी सुवेदी, राजु बिष्टका बुवा बिष्णु बिस्ट र हजुरबुवा बलराम बिस्ट साथै कवि कथाकार सीता देवी छेत्री भागोप मणिपुर शाखाका मूल सचिव राहुल राई आदिको उपस्थितिमा शहिद दिवस पालन गरियो ।
शहिद निरञ्जन सिंह छेत्रीको १२९ औं शहीद दिवस पालनको पलक्ष्यमा प्रमुख अथितिको बक्त्यब्यमा संघका अजित दास प्रभूजीले भने, शहिद सुवेदार निरञ्जन छेत्री हाम्रा हुन् । उनले हाम्रो देश साथै मणिपुरका लागि आफ्नो प्राण सुम्पिएको यो बलिदानलाई हामीले भुल्नु हुँदैन । साथै हामीले प्रत्येक वर्ष यसरी शहिद दिवस पालन गरेर निरञ्जन को हुन्, किन शहिद भए, सबै ईतिहास हामीले जन जनमा पुराउनु पर्छ । अजित दास प्रभूजीले, भारतीय गोर्खा परिसङ्घलाई धन्यवाद दिंदै शहिद सुवेदार निरञ्जन छेत्रीको शहिद दिवस मात्रै नमनाएर बिशाल शालिकसम्म कांग्लातोम्बीमा निर्माण गरिरहे को कार्यको प्रशंनसा गरे । यसरी राहुल राई बोगिकोद्वारा संचालित कार्यक्रम मा सर्वप्रथम शहिदको फोटोमा अथितिहरुद्वारा धुपदिप अनि माल्यार्पण पश्चात पुष्प अर्पण सबैले गरे । यसरी कोरोना माहामारीलाई ध्यानमा राखेर शहिद निरञ्जन सिंह छेत्रीको १२९ औं शहीद दिवस कार्यक्रम एक घन्टाको समयमा समाप्त गरियो ।
