काठमाण्डौ, 30 मार्च 2021
देशभर वायु प्रदुषण बढेपछि आजदेखि ४ दिन सम्म देशभरका सम्पूर्ण शिक्षण संस्था बन्द भएका छन । सरकारले मंगलबारदेखि चार दिन सम्म देशभरका शिक्षण संस्था बन्द गर्ने निर्णय गरेको हो । सोमबार शिक्षा, विज्ञान तथा प्रविधि मन्त्रालयमा शिक्षा मन्त्री कृष्ण गोपाल श्रेष्ठको अध्यक्षतामा मन्त्रालय र अन्तर्गतका उच्च अधिकारीहरु सहभागि भएको बैठकले सम्पूर्ण शिक्षण संस्था बन्द गर्ने निर्णय गरेको हो । गत शुक्रबार देखि देशभर वायु प्रदुषण बढेकाले विद्यार्थीहरुको स्वास्थ्य अवस्थालाई मध्यनजर गर्दै चैत १७ गते देखि २० गते सम्म बिदा दिने निर्णय गरिएको मन्त्रालयका सहसचिव एवं प्रवक्ता दीपक शर्माले बताउनुभएको थियो । पूर्व निर्धारित कार्यतालिका अनुसार परीक्षा सञ्चालन गरिरहेका विश्वविद्यालयहरु तथा उच्च शिक्षा प्रदायक शिक्षण संस्थाहरुले स्वास्थ्य सजगता अपनाउँदै परीक्षाका कार्यक्रमहरु सञ्चालन गर्न सक्ने समेत बताउनु भएको छ ।
चैत २१ गते शनिबार परेकाले आगामी आइतबार देखि मात्रै शिक्षण संस्था खुल्ने भएका छन् । शुक्रबार देखि काठमाडौं सहित देशभरको वायुमण्डलमा प्रदूषण बढेको छ ।
