काठमाण्डौँ, 12 मई 2020
शताब्दी पुरुष संस्कृतिविद् सत्यमोहन जोशी 101 वर्षमा पुग्नु भएको छ। वि.सं. 1977 साल वैशाख 30 गते ललितपुरको बखुम्बहालमा जन्मनु भएका जोशी आज 101 वर्षमा प्रवेश गर्नुभएको हो। जोशीले नेपाली कला, संस्कृति र साहित्यमा महत्वपूर्ण योगदान दिनु भएको छ। जोशीको जन्मदिनका अवसरमा विभिन्न व्यक्ति, समुदायले शुभकामना दिएका छन्। लकडाउनका कारण जन्मदिन मनाउन कुनै औपचारिक कार्यक्रम आयोजना नगरिएपनि उहाँको परिवारले घरमै पूजा गरी जन्मदिन मनाएका छन्। गत वर्ष 100 वर्ष पुगेको अवसरमा ललितपुर महानगरपालिकाले महानगरपालिका भर सार्वजनिक विदा दिई विभिन्न कार्यक्रम गरी जन्मशताब्दी मनाएको थियो। जोशीले यसपटक आफुलाई शुभकामना दिनेहरुलाई धन्यवाद दिदै अझैपनि केही असल काम गरेर जीवन बिताउन पाउँ भन्दै प्राथना गरेको बताउनुभएको छ।
