सुखेपोखरी, १४ अप्रेल २०२०/ पी छिरिङ
कोरोना भाइरसको संक्रमणलाई रोक्न साथै सतर्कता अपनाउँदै अल शेर्पा एसोसिएशन दार्जीलिङ तराई अनि डुवर्स केन्द्रीय समितिको सहयोगमा संगठन विभिन्न शाखाहरूद्वारा २००० मास्क अनि सेनिटाइजर बितरण गरिएको छ । यसरी नै संगठनको कालिङपोङ शाखा, गोरूबथान शाखा अनि मङपु शाखाले आफ्नो शाखा अधीनस्थ पर्ने गाउँमा सरसफाई गरी सेनिटाइज गरेका छन् । संगठनका मङपु शाखाका सुर्तेन शेर्पा, नुरी शेर्पा, सुरेन शेर्पा लगायत अन्य सदस्यहरुले गाउँलाई सेनिटाइजिङ्ग सङ्गै गाउँलेलाई कोरोना भाइरसको संक्रमण बारे जानकारी गराउँदै सचेतना अभियान सङ्गै घरमा बसिदिने अनुरोध गर्दै लकडाउनको पालन गरिदिने अनुरोध गरेका छन् । सरकारद्वारा COVID19 को महामारी बाट जुन प्रकारको प्रयास गरिरहेको छ त्यसलाई प्रतेक नागरीकले साथ अनि सहयोग गर्ने अनुरोध गर्दै सबैले घरमा बसिदिने अनुरोध गर्दछौं घरमा सुरक्षित बस्नुहोस भन्ने सन्देश साथ लकडाउनको पालन गरिदिने अनुरोध गर्दछौं भनि सङ्गठनका सदस्यहरुले गाउँवासीहरूलाई जानकारी गराएका छन् । यसरी नै सुकेपोखरी खण्ड समितले पनि संगठनका नौ वटा शाखाहरूमा पनि आश्वयक आपतकालीन सेवामा कार्यरत सदस्य अनि नागरिकहरूलाई मास्क अनि सेनिटाइजर बितरण गरिएको जानकारी बोर्ड सदस्य छिरिङ शेर्पाले दिएका छन् ।