नयाँ दिल्ली, 23 मई 2020
श्री शिवपुरी धाम उपल्लो गुफा पदमार्ग एवं प्रवेश द्वार निर्माण समिति प्रवासी समितिले भारतमा अलपत्र परेका नेपालीहरुलाई 20 हजार रुपैँया आर्थिक सहयोग गरेको छ । भारतमा लकडाउनपछि भोकै रहन बाध्य भएका नेपालीहरुलाई सहयोग गर्न भन्दै युवा समाजसेवी आरबी खड्काको माध्यमले श्री शिवपुरी धाम प्रवासी समितिले 20 हजार रुपैयाँ सबयोग गरेको हो । पर्वत जिल्ला पँयु गाँउपालिका वाड नम्बर 3 शिवपुरी धाम प्रवासी समूहका कोषाध्यक्ष छविलाल भट्टराई, उपाध्यक्ष एवं कानुनी सल्लाहकार देवीप्रसाद काफ्ले लगायतको प्रवासी समूहका सदस्यहरुले आर्थिक संकलन गरि बुझाएको हो । एक नेपालीलाई अफ्ट्यारो परेका बेला अर्को नेपाली हेरेर बस्न नसक्ने भएकाले आफुले सकेको सहयोग गरेको कोषाध्यक्ष भट्टराईले बताउनु भएको छ । भट्टराईले सहयोग संकलन गर्न सहयोग गरेकोमा समूहका अध्यक्ष तोलाकान्त काफ्ले, सचिव तारा प्रसाद भुषाल, सदस्यहरु यामप्रसाद भुषाल, छविलाल काफ्ले, पर्शुराम काफ्ले, भोजराज काफ्ले, कृष्ण काफ्ले, निलकण्ठ काफ्ले र दीपक काफ्लेलाई धन्यवाद दिनुभएको छ । यस विषयमा बोल्दै युवा नेता आरबी खड्काले यो सहयोग भोकै रहेका नेपालीहरुलाई खाद्यान्न लगायतका सामग्री वितरण गर्न खर्च गरिने बताउनुभयो ।
