काठमाडौं, 20 मार्च 2023

प्रधानमन्त्री पुष्पकमल दाहाल प्रचण्डले दुई-दुई पटक संसद विघटन गर्नु गर्वको विषय नभएको बताएका छन् । सोमबार संसद बैठकमा दोस्रोपटक विश्वासको मत माग्दै प्रधानमन्त्री प्रचण्डले एमाले अध्यक्ष केपी शर्मा ओलीप्रति इंकित गर्दै संसद विघटन गर्नु गर्वको विषय नभएको बताएका हुन् । २६ पुसमा संसदमा प्रधानमन्त्री प्रचण्डले पहिलोपटक विश्वासको मत लिँदा संसद बैठकलाई सम्बोधन गर्दै एमाले अध्यक्ष ओलीले संसद विघटन संवैधानिक भएको दाबी गरेका थिए ।  प्रधानमन्त्री प्रचण्डले संसदको पहिलो दिनको बैठकमै संसद विघटन ठीक थियो भन्ने एमाले अध्यक्ष ओलीको कुराले आफूलाई नैतिक संकट परेको बताए ।

उनले भने, ‘हामीले विगतका मतभेदहरू नउठाउने समझदारी गरेका थियौँ । म त्यो प्रतिवद्धततामा कायम रहे । तर, केही पक्षबाट त्यो पालना भएन’ प्रचण्डले भने, ‘संसद्मा पहिलो दिन नै संसद् विघटन जस्तो अत्यन्तै संवेदनशील प्रवेशले पायो । त्यसले सिंगो देश तरंगित भयो । त्यो विषय न सान्दर्भिक थियो । न प्रशंगिक थियो । देशमा ठुलो राजनीतिक र संवैधानिक सङ्कट त्यो कुनै गर्भको विषय थिएन।’