8 नवम्बर 2021

शुक्रबार साँझ सिलहेटको अम्बरखाना क्षेत्रबाट दुई नेपालीलाई स्थानीय विमान भण्डार प्रहरी चौकीका इन्चार्ज केएम मैनुल जकिरले पक्राउ गरिएको जनाएका छन। बाबुछोराले बंगलादेश प्रवेश गर्न चाहिने आवश्यक कागजात पेश गर्न नसकेपछि उनीहरुलाई थुनामा राखेर अनुसन्धान अघि बढाएको छ बताए। उनले भने, नेपाली बाबुछोरा बिरामी अवस्थामा भेटिएका थिए। उनीहरुको सिलहेट ओसमानी मेडिकल कलेजमा उपचार समेत गरिएको थियो। बंगलादेश—भारत सीमामा लगाइएको तारबार नाघेर प्रवेश गर्ने क्रममा जयबहादुरको खुट्टामा चोट समेत लागेको थियो।  उनीहरुको घर नेपालको भोजपुर हो। भारतको हिमाञ्चल र गुहावटी हुँदै उनीहरु बंगलादेशको सिलहेट छिर्न सफल भएको स्थानीय प्रहरी अधिकारीले जनाएका छन्। प्रहरीले ती नेपाली बाबुछोराविरुद्ध गैह्रकानूनी रुपमा बंगलादेश छिरेको अभियोगमा मुद्दा दायर गरेको छ।  अपरान्ह अस्पतालबाट शनिबार डिस्चार्ज भएलगत्तै उनीहरुलाई स्थानीय अदालतमा हाजिर गराइएको थियो। अदालतको आदेशपछि उनीहरु जेल चलान भएका छन्।