नयाँ दिल्ली ,18 जनवरी 2020
सुदूरपश्चिम प्रदेश अन्तर्गत दार्चुला जिल्लाको शैल्यशिखर नगरपालिकामा नहर नार्माण कार्य गरिरहेका एक व्यक्तिको ढुङ्गाले च्यापिएर मृत्यु भएको छ । शैल्यशिखर नगरपालिका वडा नम्बर 4 तल्लो काडापारीका लुते भट्ट भनेर चिनिने रुदुर भट्टको ढुङ्गाले च्यापिएर मृत्यु भएको हो । लुते भट्ट होपरी सिचाई अन्तर्गत नहर निर्माण कार्यका लागि गिट्टी बालुवा बोक्ने मजदूरी गरिरहेका थिए । भट्टसहित अन्य मजदूरहरु एक ओडार मूनि गिट्टी निकालीरहेका थिए । त्यही समयमा ढुङ्गा झरेपछि भट्टको निधन भएको भनिएको छ । भट्टका 2 छोरा र 2 छोरी र श्रीमति रहेका छन । आर्थिक अवस्था कमजोर भएका एक छोरा महेन्द्र नगर र एक छोरा दक्षिण भारतको बेंङलोरमा मजदूरी गरिरहेका छन । भट्टका जेठा छोरा बीरे भट्टलाई उदृत गर्दै सुदूर पश्चिमेली समाज भारतका कोषाध्यक्ष महादेव भट्टले अहिलेसम्म यद्धपी कामको शिलशिलामा कार्यस्थलमै भट्टको मृत्यु भएको भए पनि कतैबाट राहत प्राप्त नभएको भन्दै यस घटनामा सम्बन्धित निकायको ध्यान गएर मृतकका परिवारलाई राहतको व्यवस्था हुनुपर्ने बताउनुभयो ।