नागपुर, 19 जनवरी 2020
केन्द्रीय सडक परिवहन, राजमार्ग र सूक्ष्म लघु तथा मध्यम उद्योग मन्त्री नितिन गडकरीले सबै प्राकृतिक स्रोतहरूको प्रयोग उपयुक्त प्रविधिका साथ गर्न विदर्भ क्षेत्रका अनुसन्धान संस्थानलाई निर्देशन दिनुभएको छ। आईतबार महाराष्ट्रको नागपुरस्थित विश्वेश्वरैया राष्ट्रिय प्रौद्योगिकी संस्थानको 60-औँ जयन्ती समारोहमा बोल्दै उहाँले देशमा पत्रिकाको कागज, चिकित्सा उपकरण जस्ता कच्चा पदार्थहरूको आयात गरिने बताउँदै अनुसन्धान संस्थानहरूले यस प्रकारका वस्तुहरूको उत्पादन उचित प्रविधिका साथ गर्नुपर्नेमा जोड दिनुभयो।
मन्त्री गडकरीले सूक्ष्म लघु तथा मध्यम उद्योग मन्त्रालयले विश्वेश्वरैया राष्ट्रिय प्रौद्योगिकी संस्थानमा प्रविधि अनुसन्धान तथा उत्कृष्टता केन्द्रको स्थापनाको लागि दुई सय करोड रूपैँयाको सहायता उपलब्ध गराउने प्रतिवद्धता व्यक्त गर्नुभयो।
