दार्जीलिङ, 5 मार्च, कयेश अंसारी
गोर्खा जनमुक्ति मोर्चा अध्यक्ष विनय तामाङ्गले आज सूखिया मानेभञ्ज्याङ अन्तर्गत विभिन्न स्थानको भ्रमण गरि जनताको गुनासा सुन्नु भएको छ । भ्रमणको क्रममा छब्बिसेदेखि जनताको दुखेसो बुझ्दै आफ्नो भ्रमण शुरु गरेर अप्पर लोवर कोतावली, एम माया स्कूल , अप्पर – लोवर टिफिन डाँडा, चार माइल बस्ती, पार्मेन्ट बस्ती, राङभाङ्ग उच्चत्तर माध्यमिक विध्यालय हुँदै अन्तमा जौंबारीमा साँझ ६ बजे आफ्नो भ्रमणको सक्नु भएको हो । भ्रमण अवधी युवा मोर्चा केन्द्रिय अध्यक्ष अमृत योञ्जन, केन्द्रिय सदस्य मणिकुमार राई, केन्द्रिय सदस्य उदय देवान, सुखिया मानेभञ्ज्याङ समष्टि अध्यक्ष/सचिव लगायत युमो कोषाध्यक्ष बृटो राई, युमो केन्द्रिय समिति सदस्य टाँसी भुटिया अनि महकुमा समिति सदस्य बुद्ध लामाको विशेष उपस्तिथि रहेको थियो। भ्रमण अवधी आफ्नो सम्बोधनमा विगत चुनावमा आफ्नो हार भएता पनि चुनाव अवधीमा दिएको बाचा पूरा गर्न आफू यसरी गोर्खे सन्तानको भलाकुसारी गर्दै प्रत्येक गाउँ-घरमा आएको अध्यक्ष बिनय तामाङले बताउनुभयो । आज कुनै राजनिती गर्न नआएको भन्दै उहाँले जनताको दुखेसो बाँड्न आफु यसरी प्रत्येक गाडी नपुग्ने स्थानहरु पनि भ्रमण गरिरहेको बताउनुभयो। आफुले जसरी पनि भोलिको दिनमा सहयोग पुरयाउने बाचा पनि उहाँले गर्नुभयो।
