काठमाण्डौँ 23 अप्रेल
नेपाल विद्यार्थी संघको एक समुहले सरकारको विरोध गर्दै प्रदर्शन गरेको छ। बिहिबार बिहान नेपाल कमर्स क्याम्पसबाट निस्केको विद्यार्थीको समुहले सरकारले ल्याएको अध्यादेश खारेजीको माग गरेको हो। नेपाल विद्यार्थी संघका पुर्व-अध्यक्ष तथा संविधान सदस्य रन्जीत कर्णको अगुवाइमा निस्केको विद्यार्थी समुहले संघिय संसद अगाडिको सडकमा केहिबेर प्रदर्शन गरेको थियो।
प्रदर्शनपछि संवाददाताहरु सँग संक्षिप्त कुरा गर्दै नेता कर्णले लोकतन्त्रलाई अप्ठेरोमा पार्ने गरि ल्याइएको अध्यादेशको सबै पक्षले विरोध गर्नु पर्ने बताउनुभयो। नेपाल विद्यार्थी संघको यो समुहले आजबाट नियमित रुपमा सरकारको विरोधमा ठाउँ-ठाउँमा प्रदर्शन गर्ने बताएको छ।
