वाराणसी, 17 जुलाई 2020
उत्तर प्रदेशको वाराणसी पुलिसले नेपालका प्रधानमन्त्री केपी शर्मा ओलीको अयोध्या बयानका कारण वाराणसीमा नेपाली नागरिकमाथि गरेको दुर्व्यवहारको सम्बन्धमा एक अभियुक्तलाई पक्राउ गरेको छ । पुलिसले आज सन्तोष पाण्डेय नामक व्यक्तिलाई पक्राउ गरेको छ । पुलिसले घटनासम्बन्धि मुद्धा दायर गरि मुख्य अभियुक्त अरुण पाठकको खोजी शुरु गरेको छ । घटनाबारे डीजीपी हितेश चन्द्र अवस्थीले जानकारी लिँदै अभियुक्तहरुविरुद्ध कडा कारवाही गर्न आदेश दिनुभएको छ । उहाँले घटनाको उच्च स्तरीय अनुसन्धान गर्ने आदेश पनि दिनुभएको छ ।
भेलूपुर थानामा मुद्धा दर्ता भएपछि पुलिसले दुर्गाकुण्ड क्षेत्रबाट शुक्रवार सन्तोष पाण्डेयलाई पक्राउ गरेको हो । सन्तोषलेनै नेपाली युवकको कपाल खोरिदै गरेको भिडियो बनाएको थियो । मुख्य अभियुक्त अरुण पाठकलाई पुलिसले खोजिरहेको छ । अरुण पाठकले आफ्नो फेसबुक आईडीबाट पोस्ट गरेका थिए ।
वाराणसीका एसएसपी अमित पाठकले मुख्य अभियुक्त अरुण पाठक सहित अन्यकोस खोजी पुलिसले गरिरहेको बताउनुभएको छ । नेपाली नागरिकको कपाल खोरिएको मुद्धामा पुलिसले आईपीसीको धारा 505 (2), 295 र आईटी ऐक्ट लगाएको छ ।
यसअघि आजै भारतका लागि नेपालका राजदूत निलाम्बर आचार्यले उत्तर प्रदेशका मुख्यमन्त्रीसँग कुरा गरि नेपालीहरुबारेको चिन्ता प्रकट गर्नुभएको थियो ।
