तमीलनाडु, 2 सेप्टेम्बर 2020
तमीलनाडु राज्यको कृष्णागिरी जिल्ला अन्तर्गत होसुरको सितनपाल्यामा एक नेपाली पछिल्लो एक सातादेखि हराएपछि उनको पुरै परिवार खोजीमा भौतारिहरेको छ । होसुरको सितनपाल्यामा रहँदै आएका प्यारु नेपाली सोही ठाँउको जी. एच अस्पतालबाट बेपत्ता भएका हुन । छोरा देव बहादुर नेपालीका अनुसार प्यारु नेपाली गत 26 गतेका दिन मदिरा सेवन गरेर काममा गएका थिए । उनि काम गर्ने स्थानमा मालिकले मदिरा सेवन गरेकाले भोली आउन भन्दै घर पठाएका थिए । त्यसपछि सडकमा लडेर टाउकोमा चोट लागेका उनलाई स्थानिय व्यक्तिले एम्बुलेन्स बोलाएर जी एच अस्पताल पुऱ्याएका थिए । टाउकोमा चोट लागेपछि उनलाई टाउकोमा 4 टाँका पनि लगाइएको थियो । डाक्टरका अनुसार प्यारु नेपालीलाई उनको बारेमा सोध्दा केही नबताएको र त्यसपछि साढे 8 बजेदेखि 9 बजेसम्म अस्पतालको बेडमा पल्टिएका थिए । त्यही क्रममा अस्पतालमा दुर्घटनाको अर्को केस आएपछि सबैको ध्यान त्यता गएपछि उनि कतै निस्किएको छोरा देव बहादुर नेपालीले बताएका छन । उनि बेपत्ता भएपछि परिवारले पुलिस थानामा गएर उनि बेपत्ता भएको रिपोर्ट लेखाए पनि अहिलेसम्म कुनै जानकारी हुन सकेको छैन । यदी कसैले तस्वीरमा देखिएका व्यक्ति प्यारु नेपालीलाई देख्नु भएको छ भने देवबहादुर नेपालीको मोबाइल नम्बर +91-9072187516 मा सम्पर्क गरिदिन अनुरोध गरिएको छ ।
