दिल्ली, 7 डिसेम्बर 2020
दिल्लीमा पुलिसको विशेष सेलले आज दिल्लीको शकरपुरबाट 5 शंकास्पद आतंकीहरुलाई पक्राउ गरेको छ । दिल्ली पुलिसको विशेष सेलका डीसीपी प्रमोद कुशवाहाले एक एनकाउन्टरपछि उनिहरुलाई पक्राउ गरिएको बताउनुभयो । पक्राउ परेका मध्ये 2 जना पंजाबका रहेका छन भने 3 जना कश्मीरका बासिन्दा हुन । पक्राउ परेका कश्मीरका 3 जना वासिन्दाहरु हिजबुल मुजाहिद्दीनका भूमिगत कार्यकर्ता भएको पनि पुलिसले जनाएको छ । डीसीपी कुशवाहाका अनुसार पक्राउ परेका गुरजीत सिंह भुरा र सुखदीप गुण्डा हुन भने उनिहरु पाकिस्तान आधारित आइएसआईमा संलग्न रहेका थिए। उनिहरुलाई आतंकवाद विरुद्ध रहने व्यक्तिहरुलाई हतोत्साहित गर्नका लागि प्रयोग गरिन्थ्यो । उनिहरु सूर्य चक्रले सम्मानित बलविन्दर सिंहको हत्यामा पनि शामेल रहेका थिए । उनिहरुको साथबाट झण्डै 2 किलो हेरोइन, हतियार र 1 लाख रुपैया नगद बरामद गरिएको छ ।
