काठमाडौँ, 25 अगस्त 2021
भ्वाइस अफ नेपाल सिजन-३ का विजेता किरण गजमेर बनेका छन् । उनी झापाको खुदुनाबारी शरणार्थी शिविरमा जन्मिएका हुन् । भुटानबाट सर्वस्व त्यागेर उनको परिवार नेपाल आएको थियो ।शनिबार राति सम्पन्न ग्रान्ड फिनालेमा प्रतिस्पर्धीहरु ज्वाला राई, आर्यन तामाङ र तारा श्रीष मगरलाई पछि पार्दै किरण गजमेर विजेता बन्न सफल भएका हुन् ।टिम प्रमोद(खरेल)का किरण गजमेरले फिनालेमा मन्त्र ब्यान्डको ‘हिमाली नेपाली’ बोलको गीतमा प्रस्तुति दिएका थिए। अमेरिका बस्दै आएका किरणले भ्वाइसको ट्रफी उचाल्दा आफूले नेपाली नागरिकता पाएजस्तो अनुभव भएको प्रतिक्रिया दिए ।
‘मैले नागरिकता पाएको थिइनँ । तर यो ट्रफी नागरिकता हो मेरो लागि,’किरणले भनेका छन् ।
किरण गजमेरले नयाँ गीत लिएर आउने भएका छन्।उनले गाएको ‘पारौँ कान्छी झ्याँई झ्याँई’बोलको गीत बिहीबार सार्वजनिक हुँदै छ।
