काठमाण्डौ, 25 अगस्त 2021
भारतको नयाँ दिल्लीमा उपचाररत नेकपा एकीकृत समाजवादीका वरिष्ठ नेता झलनाथ खनालले पनि सनाखत गर्नुभएको छ। उहाँले दिल्ली स्थित अपोलो अस्पतालबाट नयाँ दल दर्ताका लागि निर्वाचन आयोगमा सनाखत गर्नुभएको हो। नेता खनालले दूतावास मार्फत दूतावासका कर्मचारीको समन्वयमा निर्वाचन आयोगलाई आफ्नो सनाखत नेकपा एकीकृत समाजवादी पार्टीको पक्षमा पठाउनुभएको छ। यसअघि आयोगले नयाँ दल दर्ताका लागि निवेदन दिएका सदस्यहरु सनाखतका लागि सशरीर आयोग उपस्थित हुनुपर्ने बताएको थियो । तर, नेता खनाल लामो समयदेखि भारतमा उपचाररत भएकाले उपस्थित हुन नसकेको बताईएको छ यसअघि मंगलबार वरिष्ठ नेता खनालले अब आफू नेकपा एकीकृत समाजवादीमा आवद्ध रहेको बताउनुभएको थियो। अपोलो अस्पतालमा उपचाररत खनालले शुक्रबार सामाजिक सञ्जाल मार्फत आफू नयाँ दर्ता भएको नेपाल कम्युनिस्ट पार्टी एकीकृत समाजवादीको साथ र समर्थनमा रहेको जनाउनुभएको थियो।
