दिल्ली, 1 फरवरी 2022
कोरोनाको तेस्रो लहरको बीचमा भारतकी केन्द्रीय अर्थमन्त्री सीतारमण आर्थिक वर्ष २०२२–२३ का लागि मंगलबार बिहान ११ बजे लोकसभामा बजेट पेश गर्नेछिन् । यो मोदी सरकारको दशौं र निर्मलाको चौथो बजेट हो । बिहान १०:१० बजे प्रधानमन्त्रीको अध्यक्षतामा बसेको मन्त्रिपरिषद् बैठकले बजेटलाई औपचारिक स्वीकृति दिएको हो । यसपटक पनि उनी पेपरलेस बजेट पेश गर्नेछिन् । सन् २०२० मा निर्मला सीतारमणले एक ट्याबलेटबाट बजेट भाषण पढेका थिए । यद्यपि, सन् २०१८ मा यो परम्परा आन्ध्र प्रदेश र असमबाट सुरु भएको थियो तर केन्द्रमा प्रविधिलाई महत्व दिँदै सन् २०२० मा नै पेपरलेस बजेटको सुरुवात भयो । पहिला अर्थमन्त्रीले बजेट दस्तावेजलाई ब्रिफकेसमा लिएर आउँथे । तर निर्मला सीतारमणले सन् २०१९ मा एक फाइलमा बजेटको दस्तावेज लिएर आइन् । सो फाइलमा राष्ट्रिय प्रतिक छापिएको थियो । सन् १९९९ भन्दा अघिसम्म बजेट बेलुका ५ बजे पेश गरिन्थ्यो तर सन् १९९९ मा जसवन्त सिंहले यो परम्परा फेर्दै बिहान ११ बजे यो पेश गर्ने परम्परा राखे । वर्तमान अर्थमन्त्री निर्मला सीतारमणले सन् २०२० मा जुन भाषण दिएकी थिइन् त्यो हालसम्मको सबैभन्दा लामो बजेट भाषण हो ।
