दिल्ली, 7 फरवरी 2022
सामाजिक सञ्जालमा पोर्चुगलका फुटबल खेलाडी क्रिस्टियानो रोनाल्डोले अर्को ठूलो रेकर्ड बनाएका छन् । पछिल्लो तथ्याङ्क अनुसार फोटो शेयरिङ प्लेटफर्म इन्स्टाग्राममा ४० करोड फलोअर हुने उनी विश्वकै पहिलो व्यक्ति बन्न पुगेका छन् । केही दिनअघि मात्रै आफ्नो ३७औं जन्मदिन मनाएका रोनाल्डो लामो समयदेखि इन्स्टाग्राममा धेरै फलोअर भएका र इन्स्टाग्रामबाट सर्वाधिक आम्दानी गर्ने सेलिब्रिटीको सूचीको पहिलो नम्बरमा छन् । रोनाल्डो इन्स्टाग्राममा योभन्दा अगाडि गत वर्षको सेप्टेम्बर महिनामा पनि २३ करोड ७० लाख फलोअर भएको पहिलो व्यक्ति बनेका थिए । रोनाल्डोले इन्स्टाग्राममा अहिलेसम्म ३,२४२ वटा पोस्ट गरेका छन् ।
