नयाँ दिल्ली, 20, जनवरी 2021
अमेरिकामा जो बाइडेनले ४६ औं राष्ट्रपतिको रुपमा शपथ ग्रहण गरेका छन् ।
बाइडेनले बाइबललाई साक्षी राखेर सर्वोच्च अदालतका प्रधानन्यायाधीश जोन रोबर्ट्सबाट पद तथा गोपनीयताको शपथ लिएसँगै पदभार सम्हालेका हुन ।
समारोहमा सम्बोधन गर्दै राष्ट्रपति बाइडेनले एकताको कुरा गर्दै एकताले हामी ठूला चुनौतीहरुको सामना गर्न सक्ने बताएका थिए । बाइडेनले पूर्ववर्ती राष्ट्रपतिहरूप्रति आभार प्रकट गरेका थिए । उनले आफु सम्पूर्ण अमेरिकी नागरिकको राष्ट्रपति भएको बताएका थिए ।
समारोहमा भूतपूर्व राष्ट्रपति बाराक ओबामा र मिसेल ओबामा, जर्ज डब्ल्यू बुश र लोरा बुश, बिल र हिलरी क्लिन्टन लगायतका पाहुना उपस्थित भएका थिए ।
नोभेम्बर २०, सन् १९४२ मा जन्मिएका जो बाइडेन सन् २००९ देखि २०१७ सम्म बाराक ओबामाको राष्ट्रपतीय कार्यकालमा उपराष्ट्रपति रहेका थिए ।
शपथग्रहण कार्यक्रमलाई लक्षित गरी अमेरिकामा सुरक्षा व्यवस्था कडा पारिएको थियो ।
गत नोभेम्बर ३ मा भएको चुनावमा बाइडेनले ३०६ इलेक्टोरल कलेज मत प्राप्तका साथ ऐतिहासिक जित हासिल गरेका थिए । तथा डोनाल्ड ट्रम्पले भने २३२ इलेक्टोरल कलेज मत प्राप्त गरेका थिए । समारोहमा नवनिर्वाचित उपराष्ट्रपति कमला ह्यारिशले पनि शपथ ग्रहण गरेकी छिन ।
