नयाँ दिल्ली, 24 डिसेम्बर 2020
नेपाली र भारतीय जनताबिचको सद्भावलाई बढाउदै दिल्लीको औद्यौगिक क्षेत्र ओखलामा अखिल भारत नेपाली एकता मंच भारतले सर्वसाधारणहरुलाई स्वास्थ्य सामग्री वितरण गरेको छ । भारतीय र नेपाली जनताबिचको सम्बन्धमा थप सुमधुरता आओस भन्ने उद्धेश्यका साथ मञ्चले नेपाली र भारतीय समूदायका महिलाहरुलाई कोभिड-19 महामारीमा उपयोगी हुने सेनिटाइजर, मास्क लगायत रजस्वलामा प्रयोग हुने प्याड वितरण गरेको हो ।
अखिल भारत नेपाली एकता मंच भारत केन्द्रीय नेता मानु श्रेष्ठ, समाजसेवी शंकर सेन थापा , समाजसेवी विरेन्द्र सिंह लगायतको नेतृत्वमा ओखला क्षेत्रमा बस्ने नेपाली, भारतीय महिला दिदी बहिनीहरुलाई 1 हजार थान सेनिटाइजर, मास्क र 4 हजार थान रजस्वला प्याड पनि वितरण गरिएको हो । अखिल भारत नेपाली एकता मंच भारत केन्द्रीय नेता मानु श्रेष्ठले महामारीबाट बच्नका लागि हामी सबैलाई एक अर्काको साथको आवश्यक रहेकाले अहिले दुवै समूदायलाई स्वास्थ्य सामग्री वितरण गरिएको बताउनु भयो । आफुहरुले यी स्वास्थ्य सामग्रीको पहुँचबाट टाढा रहेका गरिब महिलाहरुलाई प्राथमिकता दिएर सामग्री वितरण गरेको बताउनु भयो । उहाँले यस किसिमको स्वास्थ्य सामग्री वितरण अभियान बिस्तारै दिल्ली-एनसीआरका अन्य क्षेत्रमा पनि सञ्चालन गरिने पनि बताउनुभयो ।
