नयाँ दिल्ली, 31 मार्च, खुम गुरुङ
भारतमा कोरोना महामारीको लडाईमा मुस्लिम समूदायको एक गुट तबलिगी जमात ठूलो चुनौतिका रुपमा रहेका बेला त्यसको असर नेपालमा पनि पर्ने भएको छ । दिल्लीस्थित निजामुद्दीनमा रहेको मरकजमा 93 जना कोरोना संक्रमित भएको पुष्टी भएको छ । विदेशबाट आएका सहित बाक्लो संख्यामा रहेका मुस्लीम समूदाय भेला भएको सो धार्मिक भेलामा करिब 19 जना नेपाली मुस्लिमहरु पनि रहेको खुल्न आएको छ। सरकारको जानकारी बिना जारी रहेको सो भेलाको बारेमा जानकारी पाएपछि भारत सरकारले कारवाही थालेको थियो । 1 मार्चदेखि 15 मार्चसम्म चलेको सो धार्मिक कार्यक्रममा भारतका विभिन्न ठाँउ र इण्डोनेसिया र मलेसियाबाट आएका 15 भन्दा धेरै मुस्लिम धर्मावलम्वीहरु निजामुद्दीनको मरकजमा भेला भएका थिए । त्यसमा नेपालीहरु पनि शामेल रहेका छन । अहिलेसम्म मरकजमा 93 जनामा कोरोना संक्रमण पुष्टी भइसकेको छ भने बाँकी सहभागीहरुको पनि परीक्षण भइरहेको छ । अहिले सम्म कुनै नेपाली मुस्लिम संक्रमित भए/ नभएको पुष्टी भएको छैन । तर भेलामा रहेका अधिकांशमा यस्तो संक्रमण पाइसकेकाले उनिहरुलाई पनि निगरानीमा राखिएको छ । जानकारीका अनुसार उनिहरुले लकडाउनपछि 4/5 दिन अघिदेखि नेपाल फर्किने प्रयास गरिरहेका थिए । 4 जनाको संख्यामा रहेका पोखराका नेपालीहरुले बारम्बार नेपाल फर्किनका लागि केही ट्राभल्सवालाहरुलाई फोन गरेको स्रोतले बताएको छ । आज उनिहरुसँग सम्पर्क गर्दा उनिहरु 19 जनाको संख्यामा रहेका छन ऱ अहिले उनिहरुलाई पनि अस्पतालमा राखिएको छ । उनिहरुले नेपाल फर्किने वातावारण बनाइदिन दिल्लीस्थित नेपाली राजदूतावासमा पनि सम्पर्क गरेको बुझिएको छ ।
निजामुद्दीनमा फसेका नेपाली मुस्लिमहरु भारत सरकारको जानकारी बिना नेपाल फर्किन सफल भएको भए नेपालमा थेग्न नसकिने संक्रमण फैलाउने विभिन्न नेपाली संगठनहरुको भनाई छ । उनिहरु नेपाल सरकारको पनि जानकारी बिना कार्यक्रममा सहभागि हुन पुगेकाले यसमा नेपाल सरकारको कुन प्रकारको कारवाही हुने त्यो भने हेर्न बाँकी छ । निजामुद्दीनमा फसेका नेपाली मुस्लिमहरु प्राय गोरखा, पोखरा र बीरगंज लगायतका ठाँउका हुन ।
भारत सरकारले लकडाउनसँगै मन्दीर-मस्जीदमा प्रार्थना लगायतका भेला जस्ता कार्यक्रममा रोक लगाएको भएपनि तबलिगी जमातको सो कार्यक्रम कसरी चल्यो भन्दै कडा कारवाही गरिरहेको छ । प्रशासनले अहिले सबै सहभागीहरुलाई क्वारेन्टाइनमा राख्नुका साथै अस्पतालहरुमा भर्ना गरेको छ । यसबाहेक देशका अन्य राज्यहरुमा पनि गरिएको तबलिगी जमातको धार्मिक कार्यक्रमको खोजविन गरि सहभागिहरुको परीक्षण गर्ने कार्यक्रम गरिरहेको छ । सरकारले यस कार्यक्रममा सहभागि हुन आएका विदेशी नागरिकहरुको खोजतलाश गर्दै भीसा नियम उल्लंघन गरेको पाइए कडा कारवाही गर्ने भनेको छ ।
