काठमाडौं, 1 जनवरी 2022
संस्कृति, पर्यटन तथा नागरिक उडड्यनमन्त्री प्रेमबहादुर आलेले पोशाक दिवसलाई अधिकारिता दिन मन्त्रीपरिषद्मा प्रस्ताव लैजाने बताउनुभएको छ । राष्ट्रिय पोशाक दिवसको अवसरमा राष्ट्रिय धरोहर संरक्षण प्रतिष्ठानले शनिबार काठमाडौंको पर्यटन बोर्डमा आयोजना गरेको कार्यक्रममा मन्त्री आलेले पोशाक दिवसलाई अधिकारिता दिन प्रधानमन्त्रीसंग छलफल गर्ने र मन्त्रीपरिषद्मा प्रस्ताव लैजाने बताउनुभएको हो । क्याविनेटबाट पास गराएर मनाउन पाएको भए अझै भव्य र सब्य हुने भन्दै उहाले अर्को बर्ष राष्ट्रिय दिवस बनाउने तयारी गर्न आग्रह गर्नुभयो । पोशाक दिवसलाई राष्ट्रिय दिवसका रुपमा मनाउन यस बर्ष चूकेको भएपनि अर्को बर्ष यस्तो नहुने उहाको भनाई छ । कार्यक्रममा संस्कृतिविद् सत्यमोहन जोशीले नेपालको मौलिक तथा ऐतिहासिक संस्कृतिको रक्षा गर्न सवै तत्पर हुनुपर्ने धारणा राख्नुभयो । कार्यक्रमका बिभिन्न व्यक्तिहरुलाई सम्मान गरिएको थियो ।
