बेङ्गलोर, मिनेश रावल, 21 नोभेम्बर 2020
भारतको बेङ्गलोरमा दुर्घटनामा घाईते भएका नेपाली कमल थापालाई आर्थिक सहयोग गरिएको छ । मानव सेवा संस्था बेङ्गलोरको पहलमा संकलन गरिएको 1 लाख 21 हजार 77 रुपैयाँ परिवारलाई बुझाइएको छ ।
बझाङ्गको थलारा 3 कूचका देव बहादुर थापाका छोरा कमल थापा दुर्घटनामा परि घाईते भएका थिए । दाहिने खुट्टामा गम्भीर चोट लागेपछि उनलाई बसंगुडी मेडिकल अस्पतालमा भर्ना गरिएको छ । तर उपचारमा सबै पैसा सकिएपछि मानव सेवा संस्था बेङ्गलोरलाई अनुरोध गरिएको थियो । त्यसपछि संस्थाले भारतमा बसोबास गर्दै आएका सोही संस्थाका सदस्यहरुको पहलमा चन्दा संकलन गरिरहेको छ । मानव सेवा संस्थाका संस्थापक गणेश थापा र गौतम कुमार विष्टको नेतृत्वमा आजसम्म जम्मा गरिएको रकम 1 लाख 21 हजार 77 रुपैयाँ कमल थापाका भाई रण बहादुर रोकायालाई हस्तान्तरण गरिएको हो । संस्थाले सहयोगी मनहरुप्रति विशेष आभार प्रकट गर्दै केही सहयोगी दाताहरुको नाम पनि सार्वजनिक गरेको छ ।
संस्थाका अनुसार मानव सेवा संस्थाले 26 हजार,
रमेश धामी गोत्तिगिरी- 2100
सन्तोष बम कालीकोट निवासी-24077
नवीन बोहरा-41000
रण बहादुर रोकाया-6000
साथै भारतीय मूल निवासी मधुजीले- 3 हजार रुपैयाँ सहयोग गरेका हुन।
